Oblystyq fýtbol federasııasy bizdiń óńirde qyzmet etken ýaqytynda bolgarlyq bapker ózin óz isiniń kásipqoıy retinde tanyta bildi. Dımıtarǵa jergilikti «Ertistik» fýtbolshylar da, jankúıerler de baýyr basyp qaldy. Dımıtar Dımıtrovke óńirde, bizdiń elimizdegi fýtboldy damytýǵa qosqan úlesi úshin oblys ákiminiń alǵys haty jáne Máshhúr Júsip ortalyq meshitiniń kórinisi bar sýret syıǵa tartylyp, ıyǵyna qazaq shapan jabyldy.
– Bul meniń ómirimdegi eń qıyn sheshimderdiń biri. Qımaı ketip baramyn. Qazaqstandy ekinshi Otanym, Pavlodardy ekinshi qalam dep esepteımin. Sizderdiń maǵan degen yqylastaryńyz úshin men sizderdi súıemin, ómirimniń sońyna deıin jaqsy kórip ótemin. Men úshin adamı jaqsy qasıetter chempıondyqtan joǵary, ol eshbir tıtýlmen ólshenbeıdi, – dedi Dımıtar.
Jankúıerler bapkermen kópke deıin qoshtasqysy kelmeı, sýretke túsip, avtografyn alyp jatty.
Dımıtar Dımıtrovtyń bapker bolǵan kezderi «Ertis» fýtbol klýby elimizdiń XXV chempıonatynyń qola júldegeri atandy. D. Dımıtrov barlyǵy 79 oıyn ótkizip, 35 ret jeńiske jetti. 18 oıyn teń eseppen aıaqtalsa, 26 kezdesýde ese jiberdi. О́tken jyly Dımıtrov Pavlodar oblysynyń qurmetti turǵyny ataǵyna ıe bolǵan.
Farıda BYQAI, «Egemen Qazaqstan»